JAFNVÆGIS STILLUM LÍKAMA & ANDA OG STYÐJUM VIÐ LIFUR

verð:19.800 kr.


Jafnvægis stilling líkama og anda með áherslu á lifrarhreinsun, námskeið með Heiðu Björk Sturludóttur næringarþerapista og jógakennara verður áhugaverðari en nokkru sinni og fer nú fram tvö síðdegi í Systrasamlaginu með tilheyrandi fræðslu og meiri eftirfylgni en áður.



Námskeiðið fer fram mánudaganna 27. janúar frá 17-20 og 3ja febrúar frá 18-20.


Á þessu árangursríka námskieði, sem hefur fyrir löngu sannað gildi sitt, verður farið yfir hvernig best er að hefja 9 daga lifrarhreinsun, sem byggir á því að borða áveðinn mat og taka inn viss bætiefni sem styðja við hreinsun lifrarinnar. En um leið er talað um hvaða matur og drykkir gera lifrinni erfitt fyrir.

 

Jafnframt ætlar Heiða að styðjast við hinn magnaða þekkingagrunn Ayurvedafræðanna sem leggja áherslu á að koma jafnvægi á hugar/líkamsgerðirnar þrjár, vata, pitta og kapha. Það verður skoðað með tilliti til þess að losa líkamann jafnt og þétt við “ama,” sem eru óæskileg úrgangsefni og eiturefni.


Við mælum með níu daga lifrarheinsun sem skilar jafnan frábærum árangri, minni sykurlöngun, fallegri húð og góðri orku. Þetta námskeið Heiðu er því hressandi leið til að hefja nýtt tímabil og alveg einstaklega orkugefandi. 

Það þarf þó að huga að fleiru en eingöngu líkamanum þegar gerð er heildræn hreingerning. Hugann þarf að taka með og losa um staðnaðar og letjandi hugmyndir og tilfinningar sem geta staðið andlegri heilsu fyrir þrifum.



Á námskeiðinu verða einnig kenndar öndunaræfingar sem styðja við hreinsun líkamans og meltingu næringarefna.

 Heiða Björk mætir í námskeiðslok með hið undurfallega Chiron Gong og Tíbet skálar sem munu ljá námskeiðinu fallega tóna. Í lok námskeiðs verður semsé boðið upp á stutta, nærandi og hreinsandi hugleiðslu undir stjórn Heiðu.



Systrasamlagssystur bjóða upp á hreinsandi en bragðgóðar veitingar á námskeiðinu og gefa gagnlegar uppskriftir.

Hér er því um að ræða einstaka nálgun og afar áhugaverðar stundir sem við hvetjum sem flesta til að fara djúpt inn í til að næra bæði líkama og sál.

2020 er sagt ár jafnvægis og því er upplagt að ná jafnvægi á þessu námskeiði í upphafi árs sem mun halda áfram að lita allt árið.



Boðið verður upp áhugaverðar veigar bæði kvöldin og 20% afsláttur verður af vítamínum og bætiefnum og 10% af öðrum vörum.

Góð gögn og uppskriftir fylgja með ásamt 2ja vikna eftirfylgni í lokuðum facebookhóp.

Verð: 19.800



ATH. Gestir á námskeiðinu sem hafa áhuga geta í framhaldi keypt einkatíma í mælingu hjá Heiðu Björk á stöðu sinna hugar/líkamstegunda og fengið ráðleggingar um hvernig koma á þeim í jafnvægi. Þær mælingar taka 45 mínútur með útskýringum og þurfa að fara fram að morgni (milli 8 og 12). Skýrsla með ráðleggingum er síðan send í tölvupósti eftirá. Tíminn í mælingu verður á sérstökum afslætti fyrir námskeiðsgesti, eða 7000 kr í stað 11.000 kr.



MEIRA UM HREINSUN:

Til að viðhalda góðri heilsu er jafn mikilvægt að losa líkamann við óæskileg úrgangsefni og eins að gefa honum góð næringarefni til að vinna úr. Annars geta úrgangsefnin truflað heilbrigða líkamsstarfsemi.
Líkami okkar er í raun fullkomin efnaverksmiðja, sem þarf á réttum efnum að halda bæði til viðhalds og orkugjafar og til að losa líkamann við eitur- og úrgangsefni. Það er því ekki að ástæðulausu að í flestum menningarheimum eru hreinsanir eðlilegur taktur lífsins. 
Lifrin er einna mikilvægust í hreinsunarstörfunum og segja má að hún sé vinnuþjakaðasta líffæri líkamans, þar sem hennar verkefni eru svo margvísleg. Líf nútímamannsins gerir lifrinni síðan erfitt fyrir þar sem fjöldi aukaefna, sem hún þarf að hreinsa út, eykst sífellt. Álagið á lifrina er mikið. Við fáum allskyns aukaefni og eiturefni í okkur í gegnum umhverfið s.s. úr snyrtivörum, hreinlætisvörum, eldvarnarefnum í húsgögnum, aukaefni í matvælum, lyfjum o.s.frv.
Lúin lifur getur þannig verið uppspretta margvíslegra kvilla svo sem húðvandamála, bjúgsöfnunar, orkuleysis, ofnæmis, offitu og fleira.



HAMINGJA EÐA VANSÆLD?

Í dag staðfesta fjöldinn allur af rannsóknum að kvíði, streita, sorg, hræðsla og aðrar tilfinningar eru ekki eingöngu andlegt ástand, heldur einnig líkamlegt ástand sem hefur áhrif á blóðþrýsting, hormónajafnvægi, taugaboðefni og lífefnafræði líkamans í heild. Hamingjusöm og afslöppuð manneskja er lífefnafræðilega ólík stressaðri, reiðri og vansælli manneskju.